“Монгол ур чадвар” тэмцээн зохион байгуулах тухай

A- A A+
“Монгол ур чадвар” тэмцээн  зохион байгуулах тухай

Дэлхийн ур чадварын 47 дахь тэмцээн Бүгд Найрамдах Франц Улсад 2024 оны 9 дүгээр сард болно. Энэ удаагийн тэмцээнд Монгол Улсын мэргэжлийн боловсролын салбарыг төлөөлж оролцох багийг шалгаруулах, “Монгол ур чадвар тэмцээн зохион байгуулах журам”-ыг Боловсрол, шинжлэх ухааны сайдын 2023 оны 05 дугаар сарын 02-ны өдрийн “Журам баталж, ажлын хэсэг байгуулах тухай” А/198 дугаар тушаалаар баталсан. “Монгол ур чадвар” тэмцээнийг 2023 оны 05-12 дугаар сарын хооронд 3 үе шаттайгаар Мужаан, Сантехник, Цахилгаан, График дизайнч, Гагнуур, CNC Токарь, Өрөг угсрагч, Тогооч зэрэг 8 мэргэжлийн хүрээнд зохион байгуулахаар тэмцээний удирдамж, даалгавар батлагдсан. Тэмцээний эхний шат 2023 оны 05 дугаар сарын 29-31-ны өдрүүдэд Улаанбаатар хотод төрөлжсөн Мэргэжлийн боловсрол, сургалтын байгууллагад зохион байгуулагдах болно.

Тэмцээнийг зохион байгуулагч:

Монгол Улсын Боловсрол, Шинжлэх Ухааны яам

Боловсролын ерөнхий газар

Боловсролын Үнэлгээний Төв

Мэргэжлийн боловсрол, сургалт- түншлэл ТББ

Монголын Барилгачдын нэгдсэн холбоо