ОХУ-ЫН ЗАСГИЙН ГАЗРЫН ТЭТГЭЛЭГ ЗАРЛАГДЛАА

ОХУ-ЫН ЗАСГИЙН ГАЗРЫН ТЭТГЭЛЭГ ЗАРЛАГДЛАА

Оросын Холбооны Улсад 2021/2022 оны хичээлийн жилд Засгийн газрын тэтгэлгээр үнэ төлбөргүй суралцах зорилгоор сонгон шалгаруулалтад оролцох хүсэлтэй гадаадын иргэн, иргэншилгүй хүмүүс болон гадаадад амьдарч буй эх орон нэгтнүүдэд зориулан  2021 оны 1 дүгээр сарын 20-ноос 2 дугаар сарын 20-ныг хүртэлх хугацаанд https://edu.rs.gov.ru (https://education-in-russia.com/) мэдээллийн системд бүртгэл явагдах болно.

Заасан хугацаанд горилогчид https://edu.rs.gov.ru сайт дээр бүртгүүлэн (уг сайт 2021 оны 1 дүгээр сарын 20-ноос нээгдэж 2 дугаар сарын 20-нд орон нутгийн 00:00 цагт хаагдана), анкет бөглөж, ОХУ-ын их дээд сургуулиудын дотроос хүссэн боловсролын хөтөлбөрөө сонгох (6 хүртэлх тооны их дээд сургуулийн нэрийг сонгож давын өмнө суралцах хүсэлтийн дагуу жагсаах, сонгон шалгаруулалтын Нэгдүгээр үе шатанд оролцоход шаардагдах баримт бичгийн скан-хуулбарыг хавсаргах (Хавсралт 1).

            Сонгон шалдгаруулалтын хуваарь

Бакалавр, магистр, аспирантур, ординатур*, орос хэлний зуны сургуульд* суралцах хүсэлтэй горилогчид дараах үе шатыг амжилттай давах ёстой. Үүнд :

* Ординатур ба Орос хэлний Зуны сургуульд суралцах горилогчдод заавал тавигдах шаардлага– орос хэлийг чөлөөтэй эзэмшсэн байх.

Мэдээлэл авах утас: 45-46-00, 45 28 70

Хавсралт 1

ОРОСЫН ХОЛБООНЫ УЛСАД ҮНЭ ТӨЛБӨРГҮЙ СУРАЛЦАХ ГАДААДЫН ИРГЭДИЙН ДУНД ЯВУУЛАХ СОНГОН ШАЛГАРУУЛАЛТЫН НЭГДҮГЭЭР ШАТАНД ОРОЛЦОХОД ШААРДАГДАХ БАРИМТ БИЧГИЙН ЖАГСААЛТ

Сонгон шалгаруулалт хоёр үе шаттай явагдана. Үүнд:

сонгон шалгаруулалтын нэгдүгээр үе шатыг Гадаад орнуудад ажиллаж байгаа оросын байгууллагууд хэрэгжүүлнэ(ОШУСТ);

сонгон шалгаруулалтын хоёрдугаар үе шатыг нэгдүгээр үе шатанд шалгарсан гадаадын иргэдийг элсүүлэн суралцуулах оросын боловсролын байгууллагууд хэрэгжүүлнэ.

Сонгон шалгаруулалтын нэгдүгээр үе шат нь:

1. Портфолио шалгаруулалт ;
2. Чиглэлийн шалгалт;
3. Баримт бичгийн бүрдүүлэлт зэргээс бүрдэнэ.

ПОРТФОЛИО Шалгаруулалтад орохын тулд дараах зүйлийг хийх шаардлагатай.  Үүнд:

1. Орос улсад гадаадын иргэдийг элсүүлэн суралцуулах сонгон шалгаруулалтын албан ёсны EDU.RS.GOV.RU сайт дээр бие даан бүртгүүлэх;

2. Дараах баримт бичгийг хавсаргах:

1. Цээж зураг
2. Гадаад паспортын хуулбар, орчуулга  (хүчинтэй байх хугацаа 2023 оны 3-р сарын 1-ээс наашгүй)
3. Боловсролын гэрчилгээний эх хувь, орос орчуулга:

- сургуулийн төгсөгчдийн хувьд-бүрэн дунд боловсролын тухай аттестат;

- магистрт суралцах бол бакалаврын диплом ;

- аспирантурт суралцах бол магистрын  диплом;

-төгсөх ангийн сурагчдын хувьд сүүлчийн аттестатчлалаар гаргасан  сургуулийн захирлын гарын үсэг бүхий сурлагын дүн (11/12-р ангийн 1-р хагас жилийн дүн),  шаардлагатай тохиолдолд ОШУСТ-ийн Комисст сурагчийн хувийн хэргийг гаргаж өгнө;

-бакалаврын сургалтаа дүүргэж  магистрт элсэх  хүний хувьд сурлагын ерөнхий дүн ба их сургуулийн захирлын гарын үсэг бүхий сүүлчийн аттестатчлалаар гаргасан  сурлагын дүн (дундаж оноо нь Монголын боловсролын  стандартаар бол 2.8, оросын боловсролын  стандартаар бол 4-өөс доошгүй байх);

-1-2 курсын оюутнуудын хувьд тухайн сургуулийн тамга бүхий сурлагын тодорхойлолт (дундаж оноо нь 2.8, оросын боловсролын  стандартаар бол 4-өөс доошгүй байх), бүрэн дунд боловсролын тухай аттестатын хуулбар, орчуулга;

- оросын их дээд сургуулийн бэлтгэл ангид гэрээгээр суралцагсдын хувьд 1-р семестрийн орос хэл, чиглэлийн хичээлийн сурлагын тодорхойлолт, бүрэн дунд боловсролын тухай аттестатын хуулбар, орчуулга;

 - тусгай дунд мэргэжил эзэмших хүсэлтэй хүний хувьд өмнөх сургуулиас авсан аттестат эсвэл сүүлийн хагас жилийн сайн дүн бүхий сурлагын тодорхойлолт.

• Аспирантурт суралцахын тулд :

- их дээд сургуулиас ирүүлэх зөвшөөрсөн тухай албан тоот (байвал зохино);

- нийтлэгдсэн эрдэм шинжилгээний бүтээлийн жагсаалт;

- суралцах чиглэлд тохирсон сэдэв бүхий реферат (10 хуудаснаас доошгүй)

• Орос хэлний бүсийн олимпиад, 2020/2021 оны хичээлийн жилд явуулсан  математик, химийн олимпиадуудад түрүүлсэн бол Гэрчилгээ, ОШУСТ-ийн Комисст эх хувийг гаргаж өгнө.
• Үндсэн (нэгдүгээр) курст суралцагчдын хувьд “Орос хэлний мэдлэгийг баталгаажуулсан баримт бичгүүд” гэсэн зүйлд орос хэлийг хаана, хэзээ, ямар хугацаатай сурсан тухай мэдээллийг чөлөөт маягаар тусгаж ирүүлэх; хэрэв байгаа бол орос хэлний дамжаанд суралцаж төгссөн гэрчилгээний хуулбар, эсвэл одоо суралцаж буй дамжааны 1-р семестрийн дүн бүхий тодорхойлолт; ОШУСТ-өөс олгосон орос хэлний олимпиадын ялагчийн гэрчилгээний хуулбар.
• Орос хэлний зуны сургалтад суралцах горилогч (орос хэлний багш, Монголын их дээд сургуулиудын орос хэлний ахлах курсын оюутан)-ийн хувьд дээд сургуулийн дипломын хуулбар, орчуулга, ажлын газрын тодорхойлолт;

Оруулж буй бүх баримт бичиг чанартай сканердсан бөгөөд уншихад төвөггүй байна.  Боловсролын баримт бичиг, эмнэлгийн магадлалын орчуулгыг заавал хавсаргана. 

Мэргэжлийн код ба нэр, чиглэлийн хичээл

Хавсралт 2

Хавсралт 3

2-р үе шатанд шаардлагатай  баримт бичгийн жагсаалтыг  бүрдүүлж ОХУ-ын Боловсрол, шинжлэх ухааны яам, Россотрудничество агентлаг руу хүргүүлэх

Сонгон шалгаруулалтад амжилттай оролцсон горилогчид дараах баримт бичгийг ирүүлнэ. Үүнд:

1. Гадаад паспортын хуулбар, орчуулга. Хүчинтэй байх хугацаа нь Оросын Холбооны Улсад орсноос хойш 18 сараас доошгүй байна, өөрөөр хэлбэл  2023 оны 3 дугаар сарын 01 хүртэл.   
2. Горилогчийн өнгөт зураг бүхий анкет. Анкетыг EDU.RS.GOV.RU системд бүрдүүлсэн баримт бичгээс татаж авна. 
3. Сонгосон мэргэжлийнхээ дагуу их дээд сургуулийн сонголтыг хийхдээ мэдээллийн  https://education-in-russia.com систем дахь навигаторыг ашиглана уу.
4. Горилогч бүр 6 их дээд сургуулийн нэрийг сонгож болно. Гэхдээ холбооны  нэг тойрогт гурваас дээшгүй, холбооны чанартай Москва, Санкт-Петербург хотоос тус бүр хоёроос дээшгүй сургууль заах эрхтэй. 

Горилогчийн анкетад заасан аль ч сургууль түүнийг суралцуулах сонголтыг хийгээгүй тохиолдолд  Оросын Холбооны Улсын боловсролын яам  горилогчид хандаж Москва, Санкт-Петербург хотоос бусад Оросын Холбооны Улсын дурын хот дахь их дээд сургуулийг сонгох тухай нэмэлт мэдүүлэг бичих санал тавина.  

5. Боловсролын тухай баримт бичгийн скан хуулбар, орчуулгын товчоогоор баталгаажуулсан орчуулга (аттестат, бакалавр магистрын диплом), сурлагын дүнг хавсралтаар ирүүлнэ.
6. Орос хэлний зуны сургалтад суралцах горилогч (орос хэлний багш, Монголын их дээд сургуулиудын орос хэлний ахлах курсын оюутан)-ийн хувьд дээд боловсролын  дипломын хуулбар, орчуулгын товчоогоор баталгаажуулсан орчуулга, ажлын газрын тодорхойлолт; поликлиникийн тамга бүхий эмнэлгийн дүгнэлт ( У-086 маягт), ХДОХВ-гүй болохыг  нотолсон эмнэлгийн магадлал.

7. Сургуулийн төгсөгчийн хувьд сүүлчийн аттестатчлалын дүн 11-р анги (11 жилийн сургалттай бол) эсвэл 12-р ангийн эхний хагас жилийн дүн (12 жилийн сургалттай бол).
8. 1-2-р курсын оюутнуудын хувьд   сургалтын хэлтсийн тамга бүхий сурлагын тухай тодорхойлолт ( дундаж оноо 2,8-аас доошгүй буюу “сайн”), бүрэн дунд боловсролын аттестат.  
9. Гэрээний дагуу оросын их дээд сургуулийн бэлтгэл ангид суралцагчдын хувьд- оросын их дээд сургуулийн бэлтгэл ангид гэрээгээр суралцагдын хувьд 1-р семестрийн орос хэл, чиглэлийн (сургалтын чиглэлээ:  хүмүүнлэгийн, техникийн, анагаах ухааны, эдийн засгийн гэх мэт), хичээлийн сурлагын тодорхойлолт, бүрэн дунд боловсролын тухай аттестатын хуулбар;
10. Аспирантурын хөтөлбөрөөр суралцах горилогчдын хувьд: нийтлэгдсэн эрдэм шинжилгээний бүтээлийн жагсаалт эсвэл суралцах чиглэлд тохирсон сэдэв бүхий реферат (10 хуудаснаас доошгүй байх)
11. Улсын эмнэлгийн тамга бүхий эмнэлгийн тодорхойлолт ( У-086 маягт)
12. ДОХ-оор өвчлөөгүй болохыг  нотолсон эмнэлэгийн магадлал.                                                                               Бүх баримт бичгийг орос хэлэнд хөрвүүлж орчуулгын товчооны тамгаар баталгаажуулсан байна.                                                                                                                                                          

Тогтоосон хугацаанд баримт бичгээ бүрдүүлж чадаагүй горилогчийг ОХУ-ын Засгийн газрын тэтгэлгээр суралцуулах нэрсээс хасна.